ХАНІНГАВА́ЛЬНЫ СТАНО́К,

шліфавальна-прыцірачны металарэзны станок для апрацоўкі пераважна цыліндрычных паверхняў ханінгаваннем.

Адрозніваюць Х.с.: адна- і шматшпіндэльныя; для апрацоўкі адтулін і вонкавых паверхняў; верт., гарыз. і нахіленыя; універсальныя і спецыялізаваныя; паўаўтам. і аўтаматычныя. Рабочы інструмент — ханінгавальная галоўка (хон), якая робіць адначасова вярчальны (ад электрапрывода) і зваротна-паступальны (ад гідрапрывода) рухі. Са шпіндэлем станка хон злучаны універсальнымі шарнірамі (забяспечвае яго самаўстаноўку адносна паверхні, што апрацоўваецца). Выкарыстоўваюцца ў буйнасерыйнай і масавай вытв-сці для апрацоўкі блокаў цыліндраў рухавікоў унутр. згарання, паліўнай апаратуры і інш.

т. 16, с. 538

Беларуская Энцыклапедыя (1996—2004, правапіс да 2008 г., часткова)